Лух Авт
Хуӆам аспирант губернатор грант мощатсат
Там хащам ятан, Овс мув шимӆаң мир хоятат эӆты, хуӆам аспирант ЯНАО губернатор грант ёша паятсат. Щит Антон Русмиленко, Любовь Возелова па Светлана Тусида.
Кашң хоятэв сот щёрас соӆкува ёша паятаӆ рупатайӆ еӆӆы тутаӆ ураңан.
Антон Русмиленко — Тюменской индустриальной университет Институт транспорта хоща уӆты аспирант, кимет курсан утаӆтыйӆ, па кимет пуш там грант мощатас. «Ма туты рупатаеман артаӆаӆэм, хоты ӆонщ таксарашак машинайн верты. Туняӆ шитам охӆаман лабороторной установка ӆутсам. Тампуш нумасӆам, шитам охӆам экспериментальной исследования верты ураңан посатты», — Антон Константинович ястас.
Любовь Возелова — Научной центр изучения Арктики хоща научной сотрудника рупитаӆ. Ханты ясңаӆ ванан тайӆаӆӆы, туңа-щира утаӆтаӆӆы, хуӆмет пуш губернатор грант шитас. «Грант мощатытэм ураңан ма ун рупата версам: стажировкая яңхсам, фольклорно-этнографической экспедиция Надымской района верыӆысам, лингвистической материал акатсам, «еңта пасан» суран ханты ясаң уятты мохет актыӆысӆам. Ӆуңан нумасӆам Ӆорвош па Приуральской район хуват экспедиция щиран яңхты, научной рупата ханшты», — Любовь Геннадьевна ясаң верас.
Светлана Тусида — М.В. Ломоносов нэмпи Северной (Арктической) федеральной университетан оӆаңмет курсан утаӆтыйӆ, аспирант нэм мощатас. Шитты охӆаӆан ӆув научной журналата ханшты рупатайӆаӆ сохаптаты верытӆаӆӆы. Щи тумпийн научно-практической конференцияята яңхты.
Кашң таӆ КМНС хоща уӆты няврэмат губернатор грант мощатты верытӆат. Мет оӆаң пуш тамащ вер 2021 таӆан верса. Щишан, хой ӆаңхаӆ учёной мир пеӆа питты, итамиты нэпекӆан китыӆыяӆан.
Аллина Тоярова ханшам потар
Авторы
Лух Авт
Темы