Лух Авт
Овс мув шимӆаң мир хоятат яха уйтантысат
Там ӆапатан Москва вошан Хон мувеван уӆты Овс мув шимӆаң мир ёх «Сокровища Севера» вантопсайн уйтантысат. Хон мув регионат эӆты тус хоятат ёхтыӆысат: арысат, яксат, вантопсайт ӆэсятсат, ӆуматты сохӆаӆ, пормасӆаӆ альсат.
Вошат па районат эӆты тус хоятат Ямал мувев этаӆтысат. Вантопса манам порайн, Овс мув шимӆаң мир, Сибирь па Дальний Восток Ассоциацияйн рупитты ёх, шоши мир хоятат, законодательной па промышленной тахаятан уӆты кусяйт еңта пасан суран актащисат, уйтантопсайт верыӆысат.
«Хон мув шоши мир шимӆаң ёх уӆты сирӆув сайӆаты верат», Федеральной закон хольмаң пеӆа ветмет таӆ рупитты сирн, там постам уйтантопса верса. Хоты шоши мир хоятата уӆты сирӆаӆ еӆӆы туты па яӆап нётапсайт ӆэсятты, потар манас.
Си тумпийн, «Овс мув шимӆаң мир хоятат ясаң па уӆапса», хоттэӆ хоятат Таӆа постам семинар верса. Рут ясаң па уӆапса уятты па утаӆтыты ураңан, ӆэсятам методат па формайт альсайт, методической лаборатория рупитас. Садика яңхты няврэмат кеша урок этаӆтыса. Уншак няврэмат ураңан мастер-классат верман усат.
«Голос Севера» литературной конкурса потрат, монсят, ӆуңтарат ханшты Овс мув хоятат актыӆысайт. Яӆап потрат ханшам хоятат, рупатайӆаӆ эӆты потар тусат.
Кашң регион ӆув ӆэсятам харӆаӆ этаӆтысат, презентацияйт версат. Кашң номинацияйн нох питам па призёрата этам хоятат мойӆапса нэпекатан юкантсайт па мойӆаптасайт.
Альбина Тырлина ханшам потар
Авторы
Лух Авт
Темы