Лух Авт
Яӆап нэпек ӆуңтаты, ханшты хоятӆув уйтаты
Там ӆапатан Ёмвош эӆты нёхты хор верты нэ Ольга Корниенко, Юрий Вэлла ханшам потарӆаӆ похла актам нэ, «Эринтур» альманах куща Татьяна Юргенсон Пулңавта ёхтыӆысңан.
Ун кер тыӆащ хольмаң пеӆа хутмет хатаӆан ӆуңатты нэпекат шавиты хотан «Юрий Вэлла. Избранное» ӆуңатты нэпекат хоятата этаӆтасңан.
Хуӆам книгая ӆэщатам Юрий Вэлла ханшам ӆуңтарат па потар шупиет понман уӆӆат. Книгайӆаӆан Надежда Михайловна Талигина ханшам хорат понман уӆӆат.
Юрий Вэлла уӆмаӆ хуват тус ясаң тайты, торӆы потар катаӆты хоята аяӆса. Мув иӆпи эӆты тут йиңк па тут шув ёхатты организацияйт кущайӆаӆ пеӆа ёвра этты верат эӆты ещаӆ потартас, уӆты мувӆаӆ, касаӆты юшӆаӆ шукатты верат иса аратысӆы. Ханшам потарӆаӆан щит эӆты па ханшман уӆ.
Нэпекӆаӆ ӆапат мир ёх ясңата понман уӆӆат. Ӆув кутэӆан «Азбука оленевода» па «Топонимический словарь».
Вантопсайн Юрий Кылевич хоятата хайм, ёӆта хащам потраӆ «Последний монолог» нёхты хор хуват альса. Хота ӆув уӆты хоятат инщасӆаӆӆы: «Хоят — щит хой? Муй кеша уӆ? Антома йитаӆ юпийн, уӆты мираӆа муй хайӆ?
Уӆмаӆ хуват, сэма питам муваӆан ус, няврэмӆаӆ энмаӆтас, вуӆыӆаӆ шавийс. Тамащ туң щираң, паӆтапӆы, уйтаң хоят ур ёх, ханты па охаль хоятӆув кутан ус. Хоӆна соткем таӆат хащӆат, ӆув ёшаӆан ханшам нэпекӆаӆ ӆуңатман, хоятаӆ нумман тайты питӆа.
Зоя Куртямова ханшам потар
Авторы
Лух Авт
Темы