Лух Авт
Тусаӊ ханты пох
Ефим Александрович Вагатов форума Ёмвош округ Белоярской район Казым вош эӆты ёхтыӆыйс. Теневой театра ханты монсят ураӊан хорат ханшаӆ. Хоӆна «Касам ёх» музей хоятата емаӊ хатӆат ӆэсятты нётаӆ: ханты йис уӆапсайт этаӆтаӆ, якаӆ, арыйӆ.
Ефим каматса ясаӊ ӆув эӆтэӆ ястас: «Ма ма сирэман рупитӆам, дизайн сирн рупатайт вуӆам. 2015-мет таӆ кеман няврэмат ураӊан оӆаӊ монсь ӆэсятсув па этаӆтысув. Си порайн си вер нопса ёхтас, исхор пиӆан ёнтты.
Оӆӊа ма хорат нэпекан ханшӆам. Си юпийн компьютеран мет ай сюӊкиет ӆэсятӆув па лазерной станок хуват эватӆаӆӆув. Сяӆта си хор картон нэпек юпийн ӆонсьӆа, фонарик тутан хутӆыӆа па хот питара ющтам нови сохан этаӆтаӆа.
Там форуман имидж харан рупитсам. Ты проектӆы ёхатсам, нэпекӆам китты кум ант шитсам. Ма «Этно-кузница» ӆэсятам проект тайӆам. Муӊ округеван каматса симась хар уӆ. Ма па симась таха Казым вошан пуншты утсиӆам. Кешет, ай хопат верты ӆаймат, кепӆат ёталты пормасат, ханты нэӊат сэватан, тутсяӊатан, ёх хоятат — антапкеӆатан тайты лыптат верты утсиӆам. Ёрэматы ханты верӆув ӆэсятты».
Альбина Тырлина ханшам потар
Авторы
Лух Авт
Темы